Лондоннинг "Челси" клуби "Барселона" ярим ҳимоячиси Гави трансфери учун курашмоқчи эмас. Журналист Бен Жейкобснинг сўзларига кўра, "кўклар"да яқинлашиб келаётган трансфер ойнаси учун бошқа устувор вазифалари бор.

Аввалроқ Гави "Челси" раҳбарияти билан ижобий музокаралар олиб боргани ҳақида миш-мишлар тарқалган эди. Футболчи ҳали Ла Лигада рўйхатдан ўтмагани учун унинг "Барселона"даги келажаги хавф остида. Бироқ манба Гави ҳозирги клубида қолишни хоҳлаётганини айтмоқда.

Аввалроқ "Челси" ёзги трансфер ойнасида бир қатор харидларни амалга ошириш ниятида эканлиги ҳақида хабарлар тарқалганди. Гап "Брайтон" футболчиси Мойсес Кайседо ва "Вест Хэм" аъзоси Деклан Райс ҳақида кетмоқда.