"Манчестер Сити" ярим ҳимоячиси Илкай Гюндоган Томас Тухель "Бавария"ни муваффақият сари етаклашига ишонмоқда.
Эслатиб ўтамиз, "шаҳарликлар" бугун Чемпионлар лигасининг жавоб чорак финалида "Бавария" жамоаси билан ўйнайди. Хосеп Гвардиола шогирдлари ўз майдонида ўтказилган дастлабки учрашувда 3:0 ҳисобида ғалаба қозонган.
"Менимча, одамлар “Бавария”нинг ўйинларини кўришлари ва ўзларига “вой!” дейишлари вақт масаласидир. Аммо, умид қиламанки, бизга қарши ўйинда бундай бўлмайди. Тухель жамоани муваффақият сари етаклашига ишонаман", — деди Гюндоган ўйиндан олдидан ўтказилган матбуот анжуманида.
Тухель бошчилигидаги "Бавария" ҳозиргача бешта ўйинда атиги иккита ғалабага эришди.
