"Manchester Siti" yarim himoyachisi Ilkay Gyundogan Tomas Tuxel "Bavariya"ni muvaffaqiyat sari yetaklashiga ishonmoqda.

Eslatib o‘tamiz, "shaharliklar" bugun Chempionlar ligasining javob chorak finalida "Bavariya" jamoasi bilan o‘ynaydi. Xosep Gvardiola shogirdlari o‘z maydonida o‘tkazilgan dastlabki uchrashuvda 3:0 hisobida g‘alaba qozongan.

"Menimcha, odamlar “Bavariya”ning o‘yinlarini ko‘rishlari va o‘zlariga “voy!” deyishlari vaqt masalasidir. Ammo, umid qilamanki, bizga qarshi o‘yinda bunday bo‘lmaydi. Tuxel jamoani muvaffaqiyat sari yetaklashiga ishonaman", — dedi Gyundogan o‘yindan oldidan o‘tkazilgan matbuot anjumanida.

Tuxel boshchiligidagi "Bavariya" hozirgacha beshta o‘yinda atigi ikkita g‘alabaga erishdi.