Луис Энрике Лондоннинг "Челси" клуби бош мураббийи бўлиши даргумон. The Telegraph нашри хабарига кўра, испаниялик мутахассис "кўклар"нинг бўш қолган мураббийлик лавозимига фаворитлар қаторида эмас.
Эслатиб ўтамиз, Энрике билан бир қаторда матбуот аввалроқ кўпинча "Бавария"дан ҳайдалган Юлиан Нагельсманнинг "Челси"га тайинланиши билан боғланган эди. Немис мураббийи "Стэмфорд Бридж"га иш бошлашга тайёр.
"Челси" кеча Чемпионлар лигасидан чиқиб кетди ва бу мавсумда соврин учун имкониятни бой берди. Англия Премьер-лигасида жамоа айни дамда ўн биринчи ўринни эгаллаб турибди.
