Таниқли австриялик мутахассис Ади Хюттер Англия Премьер-лигасида иш бошлашга яқин турибди.

Kurier нашри хабарига кўра, Франкфуртнинг “Айнтрахт” ва Мёнхенгладбахнинг “Боруссия” клубларининг собиқ устози келаси мавсумда Лондоннинг “Кристал Пэлас” жамоасини бошқаради. Қайд этилишича, мураббийнинг шартномаси 2023 йилнинг 1 июлидан кучга киради.

Эслатиб ўтамиз, “бургутлар” Премьер-лига жорий мавсуми якунланишига етти тур қолганида 12-ўринда бормоқда. Патрик Виейра истеъфога чиққанидан сўнг, Рой Хожсон "Кристал Пэлас"нинг вақтинчалик устози бўлиб турибди.