"Брайтон" расмий сайти орқали Паскал Гросс билан шартнома узайтирилганини эълон қилди. 31 ёшли ярим ҳимоячи 2024/2025 йилги мавсум охиригача мўлжалланган меҳнат шартномасини имзолади.
Гросс "Брайтон"да 2017 йилнинг ёзидан бери ўйнаб келмоқда. Ўшандан бери немис футболчиси 205 та расмий ўйин ўтказиб, 24 та гол урган ва 37 та голли узатмани ҳамкорларига берган.
"Брайтон" ҳозирда Премьер-лига турнир жадвалида 7-ўринда бормоқда. Роберто де Зерби шогирдлари навбатдаги ўйинини 23 апрель куни Англия кубоги ярим финалида “Манчестер Юнайтед”га қарши ўтказади.
