«Ювентус» бош мураббийи Массимилиано Аллегри Европа Лигаси доирасидаги «Спортинг Лиссабон» билан бўладиган бўлажак жавоб ўйини ҳақида ўз фикрлари билан ўртоқлашди.
Туринда бўлиб ўтган жамоалар ўртасидаги биринчи чорак финал учрашуви Италия жамоасининг минимал ҳисобдаги ғалабаси билан якунланганди. Жавоб ўйини 20 апрель куни Лиссабонда бўлиб ўтади.
«Ярим финалга чиқиш биз учун энг муҳим вазифа ва биз унинг ечимига тўлиқ эътибор қаратганмиз. Буни қилиш осон бўлмайди, чунки «Спортинг» кучли рақиб, буни биринчи ўйин кўрсатди.
Бу жамоа аввалроқ «Арсенал»ни турнирдан чиқариб юборганини унутманг», - деди италиялик мутахассис.
