«Yuventus» bosh murabbiyi Massimiliano Allegri Yevropa Ligasi doirasidagi «Sporting Lissabon» bilan bo‘ladigan bo‘lajak javob o‘yini haqida o‘z fikrlari bilan o‘rtoqlashdi.
Turinda bo‘lib o‘tgan jamoalar o‘rtasidagi birinchi chorak final uchrashuvi Italiya jamoasining minimal hisobdagi g‘alabasi bilan yakunlangandi. Javob o‘yini 20 aprel kuni Lissabonda bo‘lib o‘tadi.
«Yarim finalga chiqish biz uchun eng muhim vazifa va biz uning yechimiga to‘liq e’tibor qaratganmiz. Buni qilish oson bo‘lmaydi, chunki «Sporting» kuchli raqib, buni birinchi o‘yin ko‘rsatdi.
Bu jamoa avvalroq «Arsenal»ni turnirdan chiqarib yuborganini unutmang», - dedi italiyalik mutaxassis.
