Балки баъзиларни бу йилги мавсум аввалида жамоага катта умидлар билан таклиф қилинган беларуслик ҳужумчи Виталий Рушницкий ҳозир қаерда, деган савол қизиқтириши мумкин.

“Шўртан” сафида жами 12 та ўйинда 480 дақиқа ҳаракат қилган ва бирорта учрашувни ҳам тўлиқ ўтказмаган Рушницкий айни пайтда ўзининг бундан олдинги жамоаси Геннадий Мардас мураббийлигидаги “Сморгон” таркибига қайтиб борган. Беларусь чемпионатининг 1-лигасида тўп сурувчи мазкур жамоа таркибида Виталий 4 та учрашувда майдонга тушишга улгурди ва битта гол урди. Фақат битта ўйинда тўлиқ иштирок этиб, қолганларида эса заҳирадан туширилган ва заҳирага чиқарилган. 22 сентябр куни “Лида” жамоасига қарши баҳсда у 60-дақиқагача ҳаракат қилиб, худди шу дақиқада ўз ўрнини Дмитрий Юзвовичга бўшатиб берди. “Сморгон” “Лида”га 0:3 ҳисобида мағлуб бўлди.

Эслатиб ўтамиз, Рушницкий “Шўртан” таркибида бирорта ҳам гол уролмаганди.