Лионель Месси яқин келажакда яна "Барселона" либосини кийиши мумкин. Ла Лига раҳбари Хавьер Тебас чоршанба кунги йиғилишда аргентиналик юлдузни "Камп Ноу"га қайтариш шартларини айтиб ўтди.
"Мессини қўлга киритиш учун "Барселона" кўп молиявий қадамларни қўйиши керак. Буни амалга ошириш учун улар кўп куч сарфлашлари керак. Агар бугунги кун ҳақида гапирадиган бўлсак, мен Мессини "Барселона"га ўтказиш имкониятини кўрмаяпман. Аммо олдинда ҳали кўп вақт бор ва улар Леони қўлга киритиш учун ҳаракат қилишлари мумкин. Биз ҳали ҳам "Барселона"дан техник-иқтисодий асослашни кутмоқдамиз", — деди Тебас Goal билан суҳбатда.
Лионель Месси 2021 йилнинг ёзида "Барселона"ни тарк этган эди. Ўшанда каталонияликлар молиявий қийинчиликлар туфайли ҳужумчига янги шартнома таклиф қила олмадилар.
