"Бавария" Чемпионлар лигаси ва Бундеслигада учта ўйиндан бери ғалаба қозона олмаяпти.
Бугун Германиянинг амалдаги чемпиони ЕЧЛ чорак финалида “Манчестер Сити” билан дуранг ўйнади (1:1) ва турнирни тарк этди. Биринчи ўйинда 0:3 ҳисобида мағлуб бўлишганди.
Томас Тухель қўл остидаги олти ўйинда "Бавария" икки марта ғалаба қозонган, икки марта мағлуб бўлган ва икки бор дуранг ўйнаган. Бу вақт ичида у "Фрайбург"дан енгилиб, Германия кубогидан ва "Ман Сити"дан мағлуб бўлиб, Чемпионлар лигасидан чиқиб кетди.
Навбатдаги ўйинда мюнхенликлар чемпионатда "Майнц"га қарши ўйнайди - бу 22 апрель куни содир бўлади.
