“Манчестер Сити” ярим ҳимоячиси Кевин де Брюйне “Бавария”га қарши (1:1) Европа Чемпионлар лигаси 1/4 финал жавоб ўйинида энг яхши футболчи деб топилди.
“Унинг майдонни кўра олиши ва воқеаларни ўқий олиши шунчаки энг юқори даражада. У "Сити"нинг ўйинини белгилайди ва буни томоша қилиш жуда ёқимли. Шунингдек унинг ҳисобида бир голли узатма бор”, - деди УЕФА техник кузатувчиси.
Инглиз жамоаси умумий ҳисобда ғалаба қозонди (4:1) ва Чемпионлар лигасининг ярим финалига йўл олди. Унга кейинги босқичда "Реал Мадрид" рақиб бўлади.
