“Бавария” бош мураббийи Томас Тухель “Манчестер Сити”га қарши (1:1) Европа Чемпионлар лигаси 1/4 финал жавоб ўйинидаги ҳакамлик ҳақида фикр билдирди.
“Икки нарса керакли даражада эмас эди: майдон ва ҳакамлик. Мен ҳакамга олти балл (Германия таълим тизимидаги энг паст балл) бераман. Мен пенальти нима учун белгиланганини ҳам кўрмадим” - деди Томас Тухель.
Учрашув давомида бош ҳакам Клеман Тюрпен мюнхенликлар бош мураббийини майдондан четлатди.
"Манчестер Сити" Чемпионлар лигаси ярим финалида "Реал"га қарши ўйинга йўл олди. Биринчи ўйин 9-10 май кунлари бўлиб ўтади. Жавоб ўйини 16-17 май кунлари бўлиб ўтади.
