“Манчестер Юнайтед” ярим ҳимоячиси Кристиан Эриксен Европа лигаси 1/4 финалида “Севилья”га қарши жавоб ўйинидан олдинги фикрлари билан ўртоқлашди. Биринчи ўйин 2:2 ҳисобида якунланган эди.
"Биринчи ўйинда биз "Севилья"га ушбу қарама-қаршиликда интригани сақлаб қолишга имкон бердик. 60 дақиқа давомида ўйиннинг боришини назорат қилдик. Уларда мавсум давомида тез-тез мураббий алмашди, энди эса ғалаба қозона бошлашди. "Севилья"да ажойиб ўйинчиларга эга яхши жамоа бор", - деди Эриксен УЕФА расмий сайтига.
Жамоалар ўртасидаги жавоб ўйини 20 апрель куни Севилья шаҳрида бўлиб ўтади.
