Лиссабоннинг "Бенфика" клуби қанот ҳимоячиси Алекс Гримальдо ЕЧЛ чорак финалида "Интер"га қарши бўлиб ўтган ўйин ҳақида фикр билдирди. Учрашув 3:3 ҳисобида дуранг билан якунланди.
"Биз ярим финалга чиқишни жуда хоҳлагандик. Аммо жамоа бор кучини берган бўлсада, муваффақиятга эриша олмади. Муҳими, “Бенфика” 1:3 ҳисобида ортда қолаётган бўлса ҳам курашни давом эттирди ва яхши натижага эришишга ҳаракат қилди. Якунда дуранг ўйнадик", - деди Гримальдо УЕФА матбуот хизматига.
Икки ўйинлик қарама-қаршилик натижасига кўра, “Бенфика” “Интер”га 3:5 ҳисобида имкониятни бой берди. “Нерадзурри” ярим финалда “Милан”га қарши майдонга тушади.
