"Ювентус" ярим ҳимоячиси Адриен Рабьо "Спортинг"га қарши иккита ўйиндан сўнг Европа лигаси ярим финалига чиққани ҳақида фикр билдирди.
20 апрель куни туринликлар жавоб ўйинида "Спортинг" билан дуранг ўйнади - 1:1. Жамоалар ўртасидаги биринчи ўйин 1:0 ҳисобида “Ювентус” фойдасига ҳал бўлганди. Икки ўйин йиғиндисига кўра, "Юве" умумий 2:1 ҳисобида ғалаба қозониб, мусобақанинг ярим финалига йўл олди.
“Жамоанинг Европа лигаси ярим финалига қадар етиб борганидан мамнунман. Рақобатбардош бўлиш "Ювентус"нинг ДНКсида бор. Ўйин якунига қадар “Спортинг”нинг ҳужумларини бартараф эта олдик, – дея Рабьонинг сўзларидан иқтибос келтиради УЕФА матбуот хизмати.
Европа лигаси ярим финалида “Ювентус” “Севилья”га қарши майдонга тушади. Учрашув 11 май куни бўлиб ўтади.
