Todofichajes хабарига кўра, франциялик ҳимоячи Люка Эрнандес ёзги трансферлар вақтида "Бавария"ни тарк этиши мумкин.

Журналистларнинг ёзишича, 27 ёшли футболчига Мадриднинг “Атлетико” клуби қизиқмоқда. "Матрасчилар" бош мураббийи Диего Симеоне Эрнандесни жамоанинг ҳимоя чизиғига яхши қўшимча деб ҳисоблайди.

Аввалроқ мюнхенликлар Люка билан янги меҳнат шартномаси бўйича музокараларни тўхтатгани ҳақида хабар берилганди. Унинг шартномаси 2024 йилнинг ўрталарига қадар мўлжалланган. Трансфер нархи 50 миллион евро.

Ҳимоячи жорий мавсум Бундеслигада 7 та ўйинда майдонга тушди.