"Бавария" бош мураббийи Томас Тухель ҳужумчи Томас Мюллер билан муносабатлари ҳақида гапирди. Эслатиб ўтамиз, немис футболчи "Манчестер Сити"га қарши Чемпионлар лигаси чорак финалининг иккала ўйинида ҳам захирада қолганди.
"Мюллер қарорларимни бундай қабул қилгани мени ҳайратда қолдирди. У буни намунали тарзда ҳал қилди, лекин мен ҳали ҳам кимгадир қийин бўладиган қарорлар қабул қилишим керак. Рақобатни ҳамма қабул қилиши керак" - деди Тухел матбуот анжуманида.
Эслатиб ўтамиз, "Бавария"да фақат Бундеслигада ғалаба қозониш имконияти сақланиб қолган. Чемпионатда жамоа Дортмунднинг “Боруссия”сидан икки очколик фарқ билан пешқадамлик қилмоқда.
