"Милан"нинг "Наполи"га қарши Чемпионлар лигасидаги сўнгги ўйини клуб устози Стефано Пиоли учун "россонерилар" бошқарувидаги 178-учрашув бўлди.
"Милан" сўнгги сонияларда гол ўтказиб юборди ва Пиоли клуб билан ўзининг 100-ғалабасини қўлга кирита олмади, бироқ у ўз бошқарувидаги ўйинлар сони бўйича 2010-2014 йилларда клубни бошқарган Массимилиано Аллегри билан тенглашиб олди.
Бу "Милан" тарихидаги саккизинчи натижа бўлиб, Пиолидан юқори ўринда 193 та ўйин билан Антонио Бусини турибди. Пиоли билан 178 учрашувда миланликлар 99 учрашувда ғалаба қозонган, 43 марта дуранг ўйнаган ва 36 марта мағлуб бўлган.
Италия чемпионатининг навбатдаги турида "Милан" ўз уйида "Лечче"ни қабул қилади.
