Мюнхеннинг "Бавария" бошқаруви раиси Оливер Кан клубдан кетиши мумкинлиги ҳақидаги миш-мишларга изоҳ берди. Собиқ дарвозабон бор эътиборини фақат жамоа ҳақидаги фикрларга қаратганини ва ўз позицияси ҳақида ўйламаслигини айтди.

"Мен шартномам ҳақида бир сония ҳам ўйламайман. Менинг барча фикрларим доим фақат "Бавария"га қаратилган”, - деди Кан Bayern&Germany билан суҳбатда.

53 ёшли функционер 2021 йилнинг июль ойидан буён ўз лавозимида ишлаб келмоқда. Кан 2020 йилда "Бавария"га қайтиб, клуб директорлар кенгашига қўшилди.

Аввалроқ журналист Кристиан Фальк ўзининг ижтимоий тармоқларида "Бавария" топ-менежменти клубнинг сўнгги ёмон натижаларидан кейин Канни истеъфога чиқариш вариантини кўриб чиқаётгани ҳақида ёзганди.