Лондоннинг "Арсенал" клуби ҳимоячиси Александр Зинченко бугун жароҳатидан сўнг тўлиқ майдонга қайтишини расмийлаштириши мумкин.
Журналист Прес Браун хабарига кўра, украиналик футболчи Англия Премьер-лигасида "Саутгемптон"га қарши ўйин учун кенгайтирилган таркибга киритилган.
Қайд этилишича, Зинченко бугун Тошкент вақти билан 23:59да "Эмирейтс"да бўлиб ўтадиган "Саутгемптон" билан ўйинда асосий таркибда майдонга тушишга умид қилмоқда.
Эслатиб ўтамиз, "Саутгемптон" билан ўйин олдидан ўтказилган матбуот анжуманида бош мураббий Микель Артета Зинченконинг жароҳатдан сўнг майдонга қайтишига ҳали эрта эканлигини айтган эди.













