"Челси" ярим ҳимоячиси Мэйсон Маунтга "Арсенал" қизиқиш билдирмоқда, дея хабар беради Goal.
Манбага кўра, "Вест Хэм"дан Деклан Райс ҳамон "канонирлар" учун устувор трансфер бўлиб турибди, аммо лондонликлар ҳам Маунтнинг келажаги атрофидаги вазиятни фаол кузатиб боришмоқда. 24 ёшли ярим ҳимоячининг “Челси” билан шартномаси 2024 йилнинг ёзида якунига етади.
Маунт жорий мавсумда клуб сафида барча турнирларда 35 та ўйинда майдонга тушиб, 3 та гол урди ва 6 та голли узатмани амалга оширди.













