"Лидс"га қарши сўнгги ўйинда Трент Александр-Арнольд ўз позициясини ўзгартириб, ярим ҳимояда ўйнади. "Ливерпуль" бош мураббийи Юрген Клопп футболчининг бу гибрид позицияси ҳақида гапирди.
“Биз Трентдан шундай фойдаланишда давом этамизми? Кўрайликчи. У ўйнаган ҳар бир позицияда Трент биз учун жуда муҳим футболчи. Бу илғор рол унга жуда мос келади, у ажойиб иш қилди. Қолганларнинг вазифаси - бўшлиқларни ёпиш, аммо Трент билан биз кўп тўп йўқотмаймиз", деди Клопп журналистларга.
"Ливерпуль" шанба куни "Ноттингем Форест"га қарши ўз уйида АПЛ ўйинини ўтказади.
