Техник ҳакамлар қўмитаси собиқ вице-президенти Хосе Мария Энрикес Негрейранинг ўғли Хавьер Энрикес Ромеро IRS'га "Барселона" унга деярли ҳар ҳафта ҳакамлар бригадаларини ўйинларни бошқариш учун Барселонага кузатиб қўйиши учун пул тўлаганини тан олди, деб хабар берди El Confidential.
Манбага кўра, Ромеро компанияларидан бири Soccercam SL солиқ идорасига ушбу ва бошқа шунга ўхшаш хизматлар билан боғлиқ 96 604,49 евро миқдоридаги харажатларни тақдим этган. Энрикес Ромеронинг таъкидлашича, "Барса"дан олинган бу маблағ ҳакамларга ҳамроҳлик қилиш учун овқат, машина ижараси, жамоат транспорти ва меҳмондўстлик учун сарфланган.
Шундай қилиб, Негрейранинг ўғли "Барселона"дан олган пулининг ҳеч бўлмаганда бир қисми каталонияликларнинг ўйинларини бошқарган ҳакамларга кетганини тан олди.
15 февраль куни “Барселона” ўша пайтда Испания Қироллик футбол федерацияси ҳакамлар техник қўмитаси вице-президенти лавозимида ишлаган Негреирага тегишли DASNIL 95 компаниясига 1,4 миллион евро тўлагани хабар қилинганди.
