Мадриднинг "Реал" клуби бош мураббий Карло Анчелоттига ўринбосар қидирмоқда. Италиялик мутахассис жорий мавсум охирида ўз лавозимини тарк этиши мумкин.
Рио Фердинанднинг хабарига кўра, "қироллик клуби" раҳбарияти эътиборига Лондоннинг "Арсенал" клуби бош мураббийи Микель Артета тушган. Томонлар жорий мавсум якунида музокарага киришиши мумкин.
41 ёшли мутахассис 2019 йилнинг декабрь ойидан буён "канонирлар" бош мураббийи лавозимида ишлаб келмоқда. Томонлар ўртасидаги шартнома 2025 йилнинг ўрталарига қадар тузилган.
"Реал Мадрид" бу мавсумда Чемпионлар лигасининг ярим финалига чиқди ва Ла Лигада иккинчи ўринни эгаллаб турибди.
