"Бавария" Чемпионлар лигаси чорак финалида "Манчестер Сити"га қарши иккита ўйинда қўпол хатолари учун танқид қилинган марказий ҳимоячи Дайот Упамеканога ишонч билдиришда давом этмоқчи. Эслатиб ўтамиз, "Бавария" "шаҳарликлар"га умумий ҳисобда 4:1 ҳисобида ютқазиб, турнирни тарк этганди.
Журналист Кэрри Хаунинг сўзларига кўра, сўнгги ўйинлардаги ёмон ўйинига қарамай, Упамекано “Бавария”да юқори баҳоланишда давом этмоқда. Клуб раҳбарияти футболчида жуда қимматли активни кўради ва сотиш учун ҳеч қандай шарт топа олмайди.
Эслатиб ўтамиз, Упамекано "Лейпциг"дан кўчиб ўтганидан кейин "Бавария"даги иккинчи мавсумини ўтказмоқда.