"Манчестер Сити" бош мураббийи Пеп Гвардиола ярим ҳимоячи Илкай Гюндоганнинг жамоани тарк этиши мумкинлиги ҳақида фикр билдирди.
“Гюндоганнинг тақдири келажакда нима бўлишини ҳали билмаймиз. У 100 фоиз ҳозирги кунга эътибор қаратган. Келажакда нима содир бўлади, билмайман. Аммо, у энг яхшисига лойиқ", - дея Гвардиола сўзларини келтирган журналист Фабрицио Романо.
Аввалроқ, 32 ёшли германиялик футболчи фаолиятини "Барселона"да давом эттириши мумкинлиги ҳақида хабар берилганди. Футболчининг "Манчестер Сити" билан амалдаги шартномаси мавсум охирида якунига етади.
