"Сельта" ярим ҳимоячиси Габри Вейга "Реал" қизиқишлари доирасида эмас. Marca хабарига кўра, айни дамда "қироллик клуби" раҳбарияти бор эътиборини Дортмунднинг "Боруссия"сидан Жуд Беллингемни сотиб олишга қаратган.
Қайд этилишича, англияликнинг трансфери бўйича музокаралар муваффақиятсиз якунланган тақдирдагина Вейга "Реал"га ўтиш учун жиддий номзодга айланиши мумкин. Габрининг "Сельта" билан шартномасида товон пули 40 миллион еврони ташкил этади.
Эслатиб ўтамиз, Вейга Англия Премьер-лигасининг бир қанча клубларининг ҳам қизиқишига сабабчи бўлган. Ярим ҳимоячи жорий мавсум лигада 9 та гол урди.
