"Барселона" бош мураббийи Хави Эрнандес клуб президенти Жоан Лапорта ва яқинда яна бир муддатга қайта сайланган УЕФА раҳбари Александер Чеферин ўртасидаги учрашув тафсилотлари ҳақида гапирди.
"Лапорта Чеферин билан учрашдими? Хавотирланишга ҳеч қандай сабаб йўқ. Президент менга ҳаммаси тинчлигини ва хавотирланишга ҳожат йўқлигини айтди”, — деди Хави матбуот анжуманида.
Эслатиб ўтамиз, аввалроқ УЕФА "Барселона"ни "Негрейра иши" туфайли кейинги мавсум Чемпионлар лигасидан четлаштириши мумкинлиги ҳақида хабарлар тарқалган эди. Шу билан бирга, “кўк-анорранглилар” раҳбарияти клуб жазодан қутула олишига ишонч билдирмоқда.
