Кириш Регистрация

Холанднинг натижаларини афсонавий футболчиларникига солиштирамиз: кимнинг кўрсаткичлари яхшироқ?

Баҳо:
+ | -

Эрлинг Холанд Англия Премьер-лигасида фантастик мавсумни ўтказмоқда. Эндигина 22 ёш бўлишига қарамай, ҳужумчи янги лига ва янги мамлакатга дарров ва осонлик билан мослаша олди. У Пеп Гвардиоланинг доминант жамоасида муҳим фигурага айланди. "Манчестер Сити" Холанд таъсири билан ҳали ҳам уч фронтда кураш олиб бормоқда. Норвегиялик футболчининг мавсумдаги натижалари одамни ҳайратга солмай қўймайди. Шулардан бири, унинг АПЛдаги 30 та ўйинда Муҳаммад Салоҳнинг 32 талик гол рекордини янгилай олганидир. Холанд Энди Коул (1993-94) ва Алан Ширер (1994-95) томонидан ўрнатилган АПЛ рекордини янгилашга жуда яқин турганини ҳам таъкидлаш жоиз. Аммо у пайтларда турнир 38 турдан эмас, балки 42 турдан иборат эди.

Эрлинг Холанд барча мусобақаларни ҳисобга олганда ҳам фантастик кўрсаткичларга эга. Жумладан, у ЕЧЛнинг 8 та ўйинида 12 та гол уришга эришди. Унинг мавсумдаги умумий голлари сони 48 тага етди. Бу эса АПЛ давридаги рекорд саналади. Ҳозирда "Манчестер Сити" олдида 13 тагача ўйин қолган. Агарда шу баҳсларнинг ҳаммасида Холанд қатнашадиган бўлса, аниқки, яна кўплаб рекордлар бузиб ўтилади. Футболчининг кўрсатаётган ўйинлари ҳақида Пеп Гвардиола фикр билдириб ўтганди. У шундай дейди:

"Мен уни барча рекордларни янгилашини жуда ҳам истайман. Негаки, Холанд қанча кўп гол урса, биз шунчалик мусобақаларда узоққа бора оламиз. У бизга катта ёрдам бермоқда. Унинг натижаларига ақл бовар қилмайди. Олдимизда яна саккизта-ўнта ўйин кутиб турибди. Холанд эса рекордларни янгилашни давом эттиради деб ўйлайман. Мен аниқ статистик маълумотларга эга эмасман. Сизлар мени бундан бохабар қилишингиз керак. Менинг билганим фақат бир нарса – Холанд бизга керак ва унинг натижалари ажойиб".
Хўш, Холанд шундай зўр футболчи экан. Унда келинг, унинг 2022-23 йилги натижаларини АПЛ афсоналариникига таққослаб кўрамиз. Демак, қуйида барча мусобақалардаги кўрсаткичлар тақдим этилади.

1. Эрлинг Холанд (2022-23)
Ўйинлар: 41 та
Стартлар: 39 та
Захирадан: 2 марта
Голлар: 48 та
Ассистлар: 6 та
Пенальтидан: 7 та гол

Хет-триклар: 7 та
Жарима зарбасидан: 0 та гол
1 та гол/дақиқа: 66
1 та гол/ўйиндан: 77 дақиқа
1 та гол/ассист: ҳар 58 дақиқада

Совринлар: аниқ эмас

2. Муҳаммад Салоҳ (2017-18)

Ўйинлар: 52 та
Стартлар: 47 та
Захирадан: 5 марта
Голлар: 44 та
Ассистлар: 16 та
Пенальтидан: 1 та гол

Хет-триклар: 1 та
Жарима зарбасидан: 0 та гол
1 гол/дақиқа: 93
1 та гол/ўйиндан: 95 дақиқа
1 та гол/ассист: ҳар 68 дақиқада

Совринлар: мавжуд эмас.

3. Криштиану Роналду (2007-08)

Ўйинлар: 49 та
Стартлар: 46 та
Захирадан: 3 марта
Голлар: 42 та
Ассистлар: 8 та
Пенальтидан: 6 та гол

Хет-триклар: 1 та
Жарима зарбасидан: 5 та гол
1 та гол/дақиқа: 99
1 та гол/ўйиндан: 115 дақиқа
1 та гол/ассист: ҳар 83 дақиқада

Совринлар: ЕЧЛ, АПЛ, Англия супер-кубоги

4. Тьерри Анри (2002-03)

Ўйинлар: 55 та
Стартлар: 52 та
Захирадан: 3 марта
Голлар: 32 та
Ассистлар: 28 та
Пенальтидан: 3 та гол

Хет-триклар: 2 та
Жарима зарбасидан: 4 та гол
1 гол/дақиқа: 145
1 гол/ ўйиндан: 159 дақиқа
1 гол/ассист: ҳар 77 дақиқада

Совринлар: Англия кубоги, Супер-кубок

5. Алан Ширер: (1994-95)

Ўйинлар: 49 та
Стартлар: 49 та
Захирадан: 0 марта
Голлар: 37 та
Ассистлар: 15 та
Пенальтидан: 10 та гол

Хет-триклар: 3 та
Жарима зарбасидан: 0 та гол
1 та гол/дақиқа: 118
1 та гол/ўйиндан: 163 дақиқа
1 та гол/узатма: ҳар 84 дақиқада

Совринлар: АПЛ чемпионлиги.

 

 


ИСМАТОВ Ж.

Манба: planetfootball.com
Киритилди: 21:14, 22.04.2023.
Ўқилди: 4202 марта.
Фикрлар: 2 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.