"Манчестер Сити" бош мураббийи Хосеп Гвардиола Рияд Махрезнинг ўйини ҳақида гапирди.
Жазоирлик футболчи Англия кубоги ярим финалида “Шеффилд Юнайтед”га қарши ўйинда (3:0) хет-трик қайд этди. Эътиборлиси, Гвардиола 32 ёшли вингерни “Бавария”га қарши ЕЧЛ 1/4 финалининг иккала учрашувида ҳам захирада қолдирган эди.
“Махрез ўйнамаганида доим мендан жаҳли чиқади. У буни мен унинг норозилигини кўришим учун қилади. Мен Рияд учун жуда хурсандман. У клубимиз учун кўп иш қилди", - деди Гвардиола бугунги ўйин қаҳрамони ҳақида.