"Барселона" бош мураббийи Хави жароҳат олган футболчиларнинг қайтиш муддати ҳақида гапирди. Гап ҳужумчи Усмон Дембеле ва ҳимоячи Андреас Кристенсен ҳақида кетмоқда.
“Дембеле кейинги ҳафта ўйнашга тайёр бўлади. Кристенсен ҳам деярли тузалиб кетди”, - дея Хави сўзларини келтиради Marca.
25 ёшли Усмон Дембеле 2023 йил 1 февралдан бери майдонга тушмаяпти. Франциялик ҳужумчи жароҳати туфайли 15 та ўйинни ўтказиб юборди. Жорий мавсумда у 28 ўйинда 8 гол ва 7 голга ассистентлик қилди.
27 ёшли Кристенсен жароҳати сабаб “Барселона” сафида 12 та ўйинни ўтказиб юборди.
