"Манчестер Юнайтед" ҳимоячиси Аарон Ван-Биссака ва ярим ҳимоячи Скотт Мактоминей ёзги трансфер ойнасида жамоани тарк этишади, деб хабар беради The Athletic.

Нашрнинг ёзишича, Ван-Биссаканинг сотилишини “қизил иблислар” бош мураббийи Эрик тен Хаг шахсан маъқуллаган.

25 ёшли ҳимоячи жорий мавсумда “Манчестер Юнайтед” сафида 26 та ўйинда майдонга тушди ва 1 та голли узатмани амалга оширди. Transfermarkt порталига кўра футболчининг нархи 22 миллион еврога баҳоланмоқда.

26 ёшли ярим ҳимоячи “Манчестер Юнайтед” сафида 35 та ўйин ўтказиб, 3 та гол урди ва битта голли узатмани амалга оширди. Transfermarkt порталига кўра футболчининг нархи 25 миллион еврога баҳоланмоқда.