"Manchester Yunayted" himoyachisi Aaron Van-Bissaka va yarim himoyachi Skott Maktominey yozgi transfer oynasida jamoani tark etishadi, deb xabar beradi The Athletic.
Nashrning yozishicha, Van-Bissakaning sotilishini “qizil iblislar” bosh murabbiyi Erik ten Xag shaxsan ma’qullagan.
25 yoshli himoyachi joriy mavsumda “Manchester Yunayted” safida 26 ta o‘yinda maydonga tushdi va 1 ta golli uzatmani amalga oshirdi. Transfermarkt portaliga ko‘ra futbolchining narxi 22 million yevroga baholanmoqda.
26 yoshli yarim himoyachi “Manchester Yunayted” safida 35 ta o‘yin o‘tkazib, 3 ta gol urdi va bitta golli uzatmani amalga oshirdi. Transfermarkt portaliga ko‘ra futbolchining narxi 25 million yevroga baholanmoqda.













