«Арсенал»нинг собиқ ўйинчиси Алекс Сонг «Барселона»нинг таклифини эшитибоқ, қандай таассуротларга эга бўлгани ва ўзи учун биринчи марта бўладиган «эл-класико»ни интизорлик билан кутаётганини El Mundo Deportivo нашрига берган интервьюсида айтиб ўтди.
«Агар «Барса» сени ўз таркибига қўшиб олишни истаётган экан, унга рад жавобини беришнинг идожи йўқ. Бунақа имконият ҳаётда бир марта берилади, уни ўз вақтида ушлаб қолиш керак. Мен каталонияликларнинг менга қизиқаётганлигини биринчи марта июль ойида эшитганман. Улар биринчи «Арсенал» ва Арсен Венгер билан гаплашиб кўрдилар ва кейин мени олдимга келдилар. Венгер кетишимга кўндириш ва у билан хайрлашиш жуда қийин бўлди. Чунки Венгер менинг оиламга 17 ёшда келганимдан буён ёрдам бериб келган эди».
«Октябрда бўладиган «эл-класико» ҳақида гапирадиган бўлсам, мен «Реал Мадрид» билан бўладиган ушбу ўйинда майдонга тушаманми ёки йўқми, буни билмайман. Тушиш туўмаслигим Тито Виланова қандай қарорга келишига боғлиқ. Биз Карлес Пуйоль ва Херард Пике билан ҳимояда янада кучлироқ бўлардик, лекин ҳозир улар йўқ. Мен бу футболчилар йўқлигини билинтирмай туришга тайёрман. Роналдуга қарши Премьер-лигада ҳам ўйнаганман», дея Сонг ўз фикрларини якунлади.