«Наполи» ярим ҳимоячиси Хвича Кварацхелия жамоасидаги ўйини ҳақида гапирди.
«Наполи»да мен босим ва масъулиятни ҳис қиляпман. Баъзан елкамга оғир юк тушади, лекин мен буни енгишга тайёрман.
Майдонга чиқсам, барча босим йўқолади. Мен энг яхши кўрган нарсам билан шуғулланаман - мен футбол ўйнайман, - дейди грузиялик футболчи.
Италия чемпионатининг жорий мавсумида Кварацхелия 27 та ўйин ўтказиб, 12 та гол урди (2 таси пенальтидан) ва 10 та голга ассистентлик қилган.
Грузиялик футболчининг «Наполи» билан шартномаси 2027 йилнинг ўрталарига қадар тузилган.
