"Атлетико" президенти Энрике Сересо Криштиану Роналду ва Лионель Мессининг Испания чемпионатига эҳтимолий қайтиши ҳақидаги фикрлари билан ўртоқлашди.

"Ўйлайманки, агар Месси ва Криштиану Роналду Ла Лигага қайтса, ажойиб бўларди. Иккаласи ҳам ўйнамоқда ва агар улар қайтсалар жуда яхши бўларди" - деди Серезо Real Club Tenis Barcelonaда бўлиб ўтган тадбирда.

35 ёшли Месси Каталония клубида 2005 йилдан 2021 йилгача ўйнаган. Ҳужумчи "Барселона" сафида 778 ўйин ўтказиб, 672 гол урган ва 303 голга ассистентлик қилган.

38 ёшли Роналду 2009 йилдан 2018 йилгача "Реал"да тўққиз йил ўйнади. Бу вақт ичида ҳужумчи 438 та учрашувда майдонга тушиб, 450 та гол урди ва 131 та голли узатмани амалга оширди.