Мадриднинг “Атлетико” клуби дарвозабони Ян Облак жамоа бош мураббийи Диего Симеоне ҳақида фикр билдирди.
"Симеоне? У "Атлетико Мадрид"нинг келажаги, бугуни ва ўтмиши. Жамоамиз мавсумни қийин бошлади. Мураббийлар штаби учун ҳам, футболчилар учун ҳам қийин бўлди. Лекин якунда биз бирлаша олдик ва вазиятни ўзгартира олдик. Энди Симеоненинг кетиши ҳақида кам одам гапиради", - деди Облак TVE билан суҳбатда.
Эслатиб ўтамиз, аргентиналик мутахассис 2011 йилдан буён "матрасчилар" бош мураббийи ҳисобланади. Томонлар ўртасидаги амалдаги шартнома келаси йилнинг ёзида якунига етади.
