«Атлетико» Мадриднинг Европа суперкубогида иштирок этгани учун қолдирилган Испания чемпионатининг учинчи тур қолдирилган учрашуви бугун бўлиб ўтди ва унда «Атлетико» футболчилари зафар қучишди.

Биринчи бўлимдан кейин мезбонлар — «Бетис» футболчилари ҳисобда олдинда боришаётганди. Бироқ иккинчи бўлим бошидан бошлаб битта футболчи кам бўлиб қолган жамоа аввалига иккита, 78-дақиқадаги навбатдаги қизил карточкадан кейин эса яна битта тўп ўтказиб юбориб, имкониятни бой бериб қўйди. Бу учрашувда ҳам «Атлетико» лидери Радамел Фалькао ўзини кўрсатишга муваффақ бўлди. Майдонга бор-йўғи 53 дақиқа ҳаракат қилган бўлишига қарамай колумбиялик футболчи икки бор рақиблар дарвозасини ишғол қилишга муваффақ бўлди.

ИСПАНИЯ ЛА-ЛИГАСИ
3-турнинг қолдирилган учрашуви

БЕТИС – АТЛЕТИКО 2:4 (2:1)
Голлар: Агра (26), Хуанфран  (45, автогол) – Фалькао (28, 48, пенальти), Коста (55),  Р. Гарсия (90+1).
Бетис: Касто, Нелсон, Перкис, Марио, Начо, Беньят, Р. Перес, Агра (Ноно, 58), Хуан Карлос (Кэмпбелл, 59), Посуэло (Дорадо, 52), Рубен Кастро.
Атлетико: Асенхо, Хуанфран, Миранда, Годин (Ката Диас, 46), Филипе Луис, М. Суарес, Габи, Туран, Р. Гарсия, К. Родригес (Коке, 70), Фалькао (Коста, 53).

Четлатишлар: Перкис (47), Кэмпбелл (78, иккаласи ҳам — Бетис).