"Бёрнли" бошчилигида муддатидан олдин Премьер-лигага йўл олган Венсан Компанига Лондон гигант клублари - "Челси" ва "Тоттенхэм" клублари қизиқиш билдираётгани ҳақида хабарлар пайдо бўлди. Ҳозирда ҳар икки клуб доимий бош мураббий изламоқда.
Компанининг ўзи яна матбуотда пайдо бўлган маълумотга изоҳ берди.
"Бу шунчаки қуруқ гап. Бундай савол берган журналистга доим ачинаман, эвазига ҳеч нарса олмайди. Мавсум бошланишидан олдин мен бундай тахминларга аралашмасликка қарор қилдим" - деди Компани talkSPORT нашри билан суҳбатда.
"Бёрнли" навбатдаги ўйинини 25 апрель куни "Блэкберн"га қарши ўтказади.
