Украина футбол ассоциацияси (УАФ) президенти Андрей Павелко миллий терма жамоа 2024 йилги Европа чемпионати саралашида ўйнашда давом этишини маълум қилди, деб хабар беради “РИА Новости”.
Аввалроқ Украина Ёшлар ва спорт вазирлиги буйруғини эълон қилган эди, унга кўра украиналик спортчиларга россияликлар ва беларуслар билан мусобақаларда қатнашиш тақиқланади.
Украина терма жамоаси Европа чемпионати саралаш турнирида “C” гуруҳида иштирок этмоқда, унинг рақиблари Англия, Италия, Шимолий Македония ва Мальта жамоаларидир.
Беларус терма жамоаси I гуруҳда Швейцария, Руминия, Исроил, Косово ва Андорра терма жамоалари билан бирга ўйнайди. Украина ва Беларус жамоаларининг Евро саралаш босқичида, жумладан, плей-офф босқичида ҳам учрашиш имконияти йўқ.
