“Лестер”нинг туркиялик ҳимоячиси Чаглар Сеюнджу Испания Ла Лигаси грандига ўтишга яқин турибди.
The Guardian хабарига кўра, 26 ёшли футболчи жорий мавсум якунида "Атлетико Мадрид" билан дастлабки келишувга имзо чекади. Эслатиб ўтамиз, Сеюнджунинг “тулкилар” билан шартномаси 2023 йилнинг ёзида якунига етади.
Туркиялик футболчи жорий мавсумда “Лестер” либосида барча мусобақаларда атиги олтита ўйинда майдонга тушди. Чаглар 2018 йилда Англияга кўчиб ўтди. Transfermarkt портали 26 ёшли ҳимоячининг нархини 15 миллион еврога баҳоламоқда.













