20 майдан 11 июнгача ёшлар (20 ёшгача) ўртасида жаҳон чемпионати бўлиб ўтади. Яқинда турнир мезбони ўзгарди - у Индонезия ўрнига Аргентинада ўтказилади. Гап шундаки, Индонезия расмийлари Исроил терма жамоасининг турнирда иштирок этишига қарши бўлганлиги сабаб турнир мезбонлигидан бош тортишди.
Инсайдер Гастон Эдулнинг ёзишича, Аргентина ёшлар терма жамоаси бош мураббийи Хавер Маскерано ҳозир Европада бўлиб турибди. У испан, итальян ва инглиз клублари билан музокаралар олиб боради ва баъзи футболчиларни ёшлар ўртасидаги жаҳон чемпионатига олиб кетишни сўрамоқчи.
Ушбу футболчилар рўйхатида "Манчестер Юнайтед"дан Алехандро Гарначо бор.
Эслатиб ўтамиз, Аргентина термаси ЖЧ очилишида Ўзбекистон U-20 билан тўқнаш келади.
