Вильям Салиба жорий мавсумда Англия Премьер-лигасидаги энг яхши ҳимоячиларидан бири бўлиб келаётган эди. "Арсенал" эса ўзи учун муҳим бўлган фигурадан айрилди.
Француз футболчиси 2019 йилда 27 миллион фунтга сотиб олинган эди. У ўз имкониятини узоқ кутишига тўғри келди. Салиба кейинги уч мавсумни турли жамоаларда ижара асосида ўтказишига тўғри келади. Вақт ўтиши билан Микель Артета сездики, Салибани қайтариш вақти келган. Ҳимоячи "Марсель" сафида ўзини кўрсатганидан кейин, "Арсенал" 21 ёшли футболчини қайтариб олади. У тўпчилар таркибида Габриэл Магалянш билан ажойиб жуфтлик ҳосил қилди ва мудофаа қўрғонига айланди.
"Арсенал" устози Салибанинг жамоага осон ва тез қўшилиб кетганини кўриб, қойил қолган эди. Микель Артета бу ҳақида шундай дейди: "Биринчи савол Салибанинг узоқ вақт ижарада юрганидан кейин, бизнинг тезкор ўйинимизга қандай қилиб, бу даражада тез мослашиб кетгани ҳақида бўлса керак. Шунингдек, футболчида ишончсизлик бор эдими, мен ва унинг ўртасида муаммо бўлганми, "Арсенал" 18 ёш футболчи учун катта пул сарфлаб юбормадими деган саволлар ҳам бўлиши табиий. У ижарага кетаётган пайтда ҳамма саволлар жавобсиз эди. Аммо қайтгач, ўйлайманки, юқоридаги саволларга ҳамма жавоб олди. Салиба ҳозир биз учун ўта муҳим фигура. Бундан ортиқ нарса айта олмайман".
Ҳақиқатдан ҳам 21 ёшли ҳимоячи "Арсенал" учун алмаштириб бўлмас футболчига айланганди. Афсуски, у "Спортинг" билан кечган баҳсда белидан жароҳат олади. Шу кўйи, 18 мартдан бери лондонликлар ҳимояси заифлашиб қолди. Инсайдер-журналист Дэвид Орнштейннинг берган маълумотларига кўра, Салиба "Арсенал"нинг чоршанба кунги "Манчестер Сити"га қарши баҳсини ўтказиб юборади. Франция терма жамоаси аъзоси катта эҳтимол билан "Челси"га қарши учрашувда ҳам майдонга туша олмайди. У лазариятга кетганидан бери, Роб Холдинг ҳимояда фойдаланилмоқда. Бир футболчининг йўқлиги шундай сезилдики, оқибатда жамоа сўнгги учта лига ўйинида дуранг қайд этди. Артета шогирдлари "Саутгемптон" билан бир очкога эга чиқа олди. Аммо йўқотилган умумий очколар мавсум охирида клуб учун қимматга тушиши мумкин. Қуйида Салиба билан ва Салибасиз "Арсенал"нинг натижалари келтирилади. Сиз аниқ фарқни сезасиз. Бу эса жамоанинг салбий натижаларига жавоблардан бири ўлароқ янграйди.
Вильям Салиба билан "Арсенал":
Ўйинлар: 32 та
Ғалабалар: 22 та
Дуранглар: 5 та
Мағлубиятлар: 5 та
Голлар: 67 та
Ўртача урилган голлар: 2.09 та
Ўтказилган голлар: 33 та
Ўртача ўтказилган голлар: 1.03 та
АПЛдаги очко тўплаш: 2.44
Ғалаба кўрсаткичи: 68.75 %
Мағлубият кўрсаткичи: 15.63 %
Вильям Салибасиз "Арсенал":
Ўйинлар: 11 та
Ғалабалар: 7 та
Дуранглар: 3 та
Мағлубиятлар: 1 та
Голлар: 25 та
Ўртача урилган голлар: 2.27 та
Ўтказилган голлар: 11 та
Ўртача ўтказилган голлар: 1.00
АПЛда очко тўплаш": 1.80
Ғалаба кўрсаткичи: 63.63 %
Мағлубият кўрсаткичи: 9.09 %
ИСМАТОВ Ж.
