“Манчестер Сити” бош мураббийи Хосеп Гвардиола қишки трансферлар вақтида ҳимоячи Жоау Канселуни “Барселона”га ижарага беришни блоклади, деб хабар беради Diario Sport.

Манбага кўра, каталонияликлар январь ойида "шаҳарликлар" билан келиша олишган, бироқ Гвардиола келишувни якунлашни тақиқлаган. Натижада португалиялик футболчи жорий мавсум охиригача “Бавария”га ижара асосида ўтди.

Аввалроқ Мюнхен клуби Канселуни сотиб олиш ниятида эмаслиги ҳақида хабар берилганди. Ҳимоячи "Манчестер Сити"нинг ҳам режаларига киритилмаган.

"Барселона" футболчи атрофидаги вазиятни диққат билан кузатиб бормоқда ва ёзда футболчи сотиб олишга тайёр.

Бундеслиганинг жорий мавсумида футболчи 10 та ўйин ўтказиб, 1 та гол урди ва 3 та голли узатмани амалга оширди.