“Manchester Siti” bosh murabbiyi Xosep Gvardiola qishki transferlar vaqtida himoyachi Joau Kanseluni “Barselona”ga ijaraga berishni blokladi, deb xabar beradi Diario Sport.

Manbaga ko‘ra, kataloniyaliklar yanvar oyida "shaharliklar" bilan kelisha olishgan, biroq Gvardiola kelishuvni yakunlashni taqiqlagan. Natijada portugaliyalik futbolchi joriy mavsum oxirigacha “Bavariya”ga ijara asosida o‘tdi.

Avvalroq Myunxen klubi Kanseluni sotib olish niyatida emasligi haqida xabar berilgandi. Himoyachi "Manchester Siti"ning ham rejalariga kiritilmagan.

"Barselona" futbolchi atrofidagi vaziyatni diqqat bilan kuzatib bormoqda va yozda futbolchi sotib olishga tayyor.

Bundesliganing joriy mavsumida futbolchi 10 ta o‘yin o‘tkazib, 1 ta gol urdi va 3 ta golli uzatmani amalga oshirdi.