"Бавария" ҳужумчиси Матис Тель кейинги мавсумда ҳам клубда қолиши кутилмоқда.

Жамоа бош мураббийи Томас Тухель 17 ёшли французнинг келажаги ҳақидаги саволга жавоб берар экан, ҳужумчининг келаси мавсумда ижара асосида кетиши мумкинлиги ҳақидаги сценарийга рухсат берди. Sky Sport News хабарига кўра, клуб раҳбарияти мураббийнинг сўзларига норози муносабат билдирган. "Бавария" ёш футболчини яқин келажакда жамоадан кетиши ҳақида ўйламаяпти.

Жорий мавсумда Матис Тель мюнхенликлар сафида барча турнирларда 24та ўйинда қатнашиб, беш бор рақиблар дарвозасига йўл топди. Унинг шартномаси 2025 йилнинг ёзига қадар мўлжалланган.