"Барселона" марказий ҳимоячиси Андреас Кристенсен бу ёзда жамоани тарк этмаслиги кутилмоқда.
Яқинда оммавий ахборот воситаларида данияликнинг "Барселона"нинг молиявий қийинчиликлари туфайли кетиши мумкинлиги ҳақида маълумотлар пайдо бўлди. Миш-мишларга кўра, 27 ёшли футболчига Англия Премьер-лигаси вакиллари қизиқиш билдирмоқда. Журналист Фернандо Полонинг ёзишича, айни дамда каталонияликлар ҳимоячи билан хайрлашиш ниятида эмас. Футболчининг ўзи ҳам клубда бахтли ва кетиш ниятида эмас.
Андреас Кристенсен ўтган ёзда "Челси"дан "Барселона"га текинга ўтган эди. Унинг жорий мавсумида 25 та ўйин бор.
