"Рома" ярим ҳимоячи Жоржиньо Вейналдум билан ҳамкорликни давом эттиришдан манфаатдор.
32 ёшли футболчи Жозе Моуриньо жамоасида "ПСЖ"дан ижара асосида ўйнайди. Шартнома мавсум охиригача ҳисоблаб чиқилган ва уни сотиб олиш имконияти ҳам кўзда тутилган. "Рома" нидерландиялик футболчини ўз сафида сақлаб қолишни истайди, аммо маълум шартлар остида, дея хабар беради журналист Марк Месченуа. Биринчидан, сотиб олиш нархи 8 миллион евродан кам бўлиши керак, иккинчидан, ярим ҳимоячи маошини камайтиришга рози бўлиши керак.
Жоржинио Вейналдум жорий мавсум Рим жамоаси сафида 16 та ўйинда майдонга тушди. Унинг ҳисобида иккита гол ва битта голли узатма бор.
