Jijantes FC нашри хабарига кўра, "ПСЖ" ҳужумчиси Лионель Месси ва "Барселона" футболчилари Жорди Альба ва Сержи Бускетс Барселонадаги ресторанлардан бирида бирга кечки овқат қилишган.
Манбанинг ёзишича, Бускетс янги шартнома имзолашга қарор қилишдан олдин Мессининг Каталония клубига қайтиш нияти ҳақида билмоқчи бўлган.
Аввалроқ “Барселона” футболчини қўлга киритиш учун Мессига солиқлар олдидан йилига кўпи билан 25 миллион таклиф қилиши мумкинлиги, молиявий фейр-плэй талабларидан келиб чиқиб, клуб унга кўпроқ маош бера олмаслиги ҳақида аввалроқ хабар берилган эди.
Эслатиб ўтамиз, Месси каталонияликлар сафида 2005 йилдан 2021 йилгача ўйнаган. Ўтган йилнинг ёзида аргентиналик футболчи эркин агент сифатида "ПСЖ"га ўтганди. Унинг парижликлар билан шартномаси июнь ойида якунига етади.
